Policy:Wikimedia Foundation Scholarship Travel Policy/az
Outdated translations are marked like this.
 | Bu siyasət və ya prosedur Vikimedia Fondu tərəfindən hazırlanıb. Nəzərə alın ki, bu məzmunun orijinal ingiliscə versiyası ilə tərcümə arasında məna və ya təfsirdə hər hansı bir fərq olarsa, orijinal ingiliscə versiyası üstünlük təşkil edir. |
Vikimedia Fondu ("WMF") hesab edir ki, icma üzvlərinin fiziki olaraq bir yerdə toplaşması Vikimedia layihələrinin gələcək inkişafı üçün vacibdir. İcma üzvlərinin Vikimedia hərəkatındakı fədakarlığını və iştirakını tanımaq üçün Fond bu tədbirlərin bir çoxu üçün səyahət təqaüdü təklif edir. Aşağıdakı siyasət Vikimedia Fondu adından səyahət edən şəxslərin hansı tədbirdə iştirak etməsindən asılı olmayaraq ədalətli davranılmasını təmin etmək üçün hazırlanmışdır.
- Vikimedia Fondunun səyahət təqaüdünə səyahətçinin ev hava limanı ilə təyinat şəhəri arasında onların təsdiq edilmiş gəliş və gediş tarixləri üçün ekonom sinifində gediş-gəliş aviabileti daxildir. Səyahət tarixlərinin və ya səyahətçinin marşrutunun dəyişdirilməsi ilə bağlı tələblər, buna sübut edilmiş ehtiyac olmadığı halda, yerinə yetirilə bilməz.
- Vikimedia Fondu adından səyahət etməyə razılıq verərək, səyahətçi bütün səyahətlərə xas olan sağlamlıq və təhlükəsizlik risklərinin olduğunu, həmçinin gözlənilməz xərclərə məruz qalma ehtimalını qəbul edir. Xüsusi narahatlıqlar varsa, səyahət etməzdən əvvəl Qlobal Səyahət və Toplantı Qrupu ilə əlaqə saxlamalıdırlar.
- Səyahətçilər təyinat və tranzit ölkələrinin bütün giriş/çıxış tələblərinə, o cümlədən hər hansı zəruri vizalara, peyvəndlərə və əlaqədar xərclərə cavab verə bilmələrini təmin etmək barədə məsuliyyət daşıyırlar.
- Ləğv edilmələr
- Əgər təqaüd alan şəxs təşkilatçılara bilet bron edilməmişdən əvvəl tədbirdə iştirak edə bilməyəcəyi barədə məlumat verərsə, o, gələcək təqaüdlər üçün müraciət edə bilər
- Səyahətçiyə biletləri verildikdən sonra səfərini ləğv etmək lazımdırsa, uçuş biletlərinin ləğv edilməsi üçün uçuşdan ən azı 72 saat əvvəl Səyahət və Toplantı Komandası ilə əlaqə saxlamalıdır. Bu halda, təqaüd alan şəxs bir il ərzində WMF tərəfindən maliyyələşdirilən hər hansı tədbirə (Vikimaniya və Vikimedia Konfransı daxil olmaqla) səyahət təqaüdü üçün müraciət edə bilməyəcək. Xəstəlik, viza ala bilməyənlər və ailə problemləri kimi digər yüngül hallar üçün istisnalar ediləcək.
- Səyahət və Toplantı Qrupu ilə ümumiyyətlə əlaqə saxlamamaq şəxsin Vikimedia Fondundan gələcək səyahət təqaüdü almaq hüququna daimi təsir göstərə bilər.