Der Schoz vun prevaate Daate bei Röckmäldonge
Ding Röckmäldong
Mer bedangke ons för Ding Röckmäldonge. Di sin der bäßte Wääsch för ons un för uns Lässer un Metmaacher eruß ze fegnge, wat joot deiht un joot jeiht un wat nit. Esu künne mer all dat verbäßere, wat mer aanbeede.
Wann De heh en Röckmäldong affjiß, jom_mer domet ob_en dorschseeschtije Aad öm. Mer jävve ußdröcklesch aan, wat mer als öffentlesche Enfommazuhne aansinn, un wat doför fö_n Lizänze jällde donn. Koot jesaat, Do määß Ding beidrääsch öffentlesch un deihß se onge eijn vun dä Lizänze CC0 udder CC BY SA 3.0. Wann söns nix jesaad_es, jom_mer met Dinge Daate, wo mer druß weße kann, wä De bes, esu öm, wi et en ons Bedengonge för der Ömjang met prevaate Daate jesaad es. Dat deiht, för e Beijschpell, heiße, dat mer Ding Metmaacher_Nommer öffentlesch aanzeije künne.
Wann de en Adräß för Ding e-mail endrähß, künne mer di bruche, öm met Der em Kumtak ze blieve un Der Neujeschkeite övver Ding Röckmäldonge ze schecke.
De Wikimeedija -Scheftong kann Ding Röckmäldonge lässe un ander enjesammt Daate, och Ding Metmaacherkännong, wann De ein aanjejovve häs, Ding IP-Adräß, un wat söns bei ons aanjekumme es.
Als ene Deil vun ons Bemöhjonge, de Wikimeedija-Schteftong ier Aktovitääte un Werke bäßer ze maache, künne mer öffentlesch övver ons Saache Jedangke maache un drövver schwaade. Dröm künne mer Dingk Röckmäldonge en Deile udder kumplädd un ander öffentlesche Aanjaabe en unsere Meedije, Wäbsigge udder Blogs öffentlesch maache.
Ding Röckmäldonge, Aanmärkonge un öffentlesche Aanjaabe künne en Daate enjeföösch wääde, di mer öffentlesch paraat hallde, öm de Wikimeedija-Schteftong ier Donn un Werke un ze beleuschte, ze öngersöhke, ze explezeere, drövver ze klaafe udder met ze schtrunze.
Mer dörve Aanjabe wiggerjävve, wann dat pä Jesäz vorjeschrevve es, un wann et nüüdesch es, öm ons eije Rääsch udder Sescherheit, prevaate Daate, udder Metmaacher ze schöze, un öm ons Bedengonge för der Zohjreff op uns Saache dorschzesäze.
Mer künne Ding Röckmäldonge un ander Aanjaabe ann_ene Drette wigger jävve, dä bei ons_em Deens schteiht, öm de Wikimeedija-Schteftong ier Werk un Wirke ze ongerschtöze udder derbei ze hällfe.
Domet, dat De en Röckmäldong jiß, dröcks De us, dat De dermet enverschtannde bes, dat de enjesammt Daate noh de Vereinschte Schtaate vun Ammärrika övverdraare wääde, un och noh sönswo, öm dat ömzesäze, wat bovve opjeföhrd_es. De verschteihß, dat De nix doför kriß, un och nix för di Jedangke, di De ons zohkumme löhß.
Mer bedanke uns nor_rens doför, de Wikimeedija Schteftong ier Projäkte besser maache ze hällfe.
Wikimedia Foundation
Opjepaß: Dä Täx bovve deiht erkliehre, wi de Wikimeedija Schteftong met iehre Wärkzüsch fö et Röckmäle ömjeiht, för e Beischpell ArticleFeedback, WikiLove, MoodBar, un ähnlijje. Dat heh es ene Deil vum Röckmäldonge Affjävve un es dröm paßend verlengk.